Baang ဇာတ်ကားမှာတော့ Aravဟာ အမြဲပြသာနာရှာတတ်တဲ့ လူငယ်တစ်ယောက်ဖြစ်တာကြောင့် မိဘတွေရဲ့ အလွန်အမင်းစိတ်ပျက်ခံနေရသူဖြစ်တယ်။ တစ်နေ့မှာတော့ မိဘတွေနိုင်ငံခြားသွားတုန်း အိမ်ကကားကိုယူကာ ညီဖြစ်သူ Arashuuနဲ့အတူ သူငယ်ချင်းတွေနဲ့ ညလုံးပေါက် ကားလျှောက်မောင်းကာ ပျော်ပါးခဲ့ကြတယ်။ ရုတ်တရတ်ကြီးလူမိုက်ဂိုဏ်းတစ်ဂိုဏ်းက Aravတို့သူငယ်ချင်းအဖွဲ့ကို တိုက်ခိုက်ကာ ညီဖြစ်သူArashuuကို ပြန်ပေးဆွဲသွားပြီးတော့ သူတို့ကားထဲမှာရှိနေတဲ့ အိတ်တစ်အိတ်ကိုယူလာပေးပြီး Arashuuကိုလာကယ်ရမယ်လို့ ခြိမ်းခြောက်ခဲ့တယ်။ ကားထဲမှာရှိနေတဲ့ အိတ်အကြောင်း လုံးဝမသိဖြစ်နေကြတဲ့ Aravတို့သူငယ်ချင်းအဖွဲ့မှာတော့ သူတို့မြင်တောင်မမြင်ဖူးတဲ့ အိတ်ကိုလိုက်ရှာကာ Arashuuကိုကယ်တင်ဖို့အတွက် ကြိုးစားရပါတော့တယ်။ Arav နဲ့သူ့သူငယ်ချင်းတွေ ရက်စက်ပြီး ကြောက်စရာကောင်းတဲ့ လူမိုက်ဂိုဏ်းခေါင်းဆောင်Daddyနဲ့ ဘယ်လိုရင်ဆိုင်ရမလဲဆိုတာ ကြည့်ရှုကြပါအုံး။